Haec pagina emendata est
Regnare ; præsens Divus habebitur
Augustus, adiectis Britannis
Imperio, gravibusque Persis.
Milesne Crassi, coniuge barbara
Turpis maritus vixit ? et hostium,
(Pro curia, inversique mores !)
Consenuit socerorum in armis,
Sub rege Medo, Marsus et Apulus,
Anciliorum, et nominis, et togæ
Oblitus, æternæque Vestæ,
Incolumi Jove et urbe Roma ?
Hoc caverat mens provida Reguli
Dissentientis condicionibus
Fœdis et exemplo trahenti
Perniciem veniens in ævum,
Si non periret immiserabilis
Captiva pubes. « Signa ego Punicis
Affixa delubris, et arma
Militibus sine cæde, » dixit,
