Haec pagina emendata est
Ambitione ? Caret mortis formidine, et ira ?
Somnia, terrores magicos, miracula, sagas,
Nocturnos Lemures portentaque Thessala rides ?
Natales grate numeras ? ignoscis amicis ?
Lenior et melior fis accedente senecta ?
Quid te exempta juvat spinis de pluribus una ?
Vivere si recte nescis, decede peritis.
Lusisti satis, edisti satis atque bibisti ;
Tempus abire tibi est, ne potum largius æquo
Rideat et pulset lasciva decentius ætas.
