— 13 —
Pone tibi ante oculos unamquamque earum
quam velis, et quid nunc sit, quidve olim fuerit.
considera: iam intelliges eo deductas esse omnes,
ut penitus desperandum sit. Vide, quaeso,
philosophiam, ut eam[c 1] potissime consideremus, quae est
omnium bonarum artium parens et cuius ex
fontibus haec omnis nostra derivatur humanitas. Fuit
philosophia olim ex Graecia in Italiam a Cicerone
traducta, atque aureo illo eloquentiae flumine
irrigata; erat in eius libris cum[c 2] omnis philosophiae
exposita ratio, tum singulae philosophorum scholae
diligenter explicatae. Quae res, ut mihi quidem
videtur, plurimum valebat ad studia hominum
incendenda: ut enim quisque ad philosophiam
accedebat, continuo sibi quos sequeretur proponebat,
discebatque non solum sua tueri, sed etiam aliena
refellere. Hinc Stoici, Academici, Peripatetici,
Epicurei: hinc omnes inter eos contentiones
dissensionesque[c 3] nascebantur. Qui libri utinam nunc
extarent, nec maiorum nostrorum tanta fuisset
ignavia! Cassiodorum illi nobis servavere et Alcidum[c 4][1]
- ↑ Chi è quest’Alcido? Nella letteratura latina e greca non troviamo nessun autore di questo nome; d’altra parte tutti i mss., tranne B che ha Alcidium, sono concordi. Credo perciò che il Bruni cadesse qui in errore rispetto al nome, e che debba leggersi Alcimum. Si tratterebbe allora di S. Alcimo Ecdidio Avito, vescovo di Vienna in Francia († 523), del quale
