Pagina:Krueger, Studemund - Gai Institutiones, Berolini, 1877.djvu/111

II §203-207

―― 79 ――

     res quae in rerum natura non est, si modo futura est, per
     damnationem legari potest, uelut frvctvs qvi in illo fvndo^[1]
     nati ervnt, aut qvod ex illa ancilla natvm erit. §204^{[§ 1]} Quod
     autem ita legatum est, post aditam hereditatem, etiamsi
     pure legatum est, non, ut per uindicationem legatum,
     continuo legatario adquiritur, sed nihilo minus heredis
     est; et ideo legatarius in personam agere debet, id est in-
     tendere heredem sibi dare oportere, et tum heres, si (res)^[2]
     mancipii sit, mancipio dare aut in iure cedere possessionem-
     que tradere debet; si nec mancipii sit, sufficit si tradiderit:
     nam si mancipii rem tantum tradiderit nec mancipauerit,
     usucapione pleno iure fit legatarii: conpletur autem usucapio,^[3]
     sicut alio quoque loco diximus, mobilium quidem rerum
     anno, earum uero quae solo tenentur, biennio. §205 Est et illa^[4]
     differentia huius (et) per uindicationem legati, quod si eadem
     res duobus pluribusue per damnationem legata sit, siquidem^[5]
     coniunctim, plane singulis partes debentur, sicut in illo (quod^[6]
     per) uindicationem legatum est, si uero disiunctim, singulis^[7]
     solidum debetur; ita fit, || ut scilicet heres alteri rem, alteri^[8]       pg.107
     aestimationem eius praestare debeat; et in coniunctis defi-^[9]
     cientis portio non ad collegatarium pertinet, sed in hereditate
     remanet.^[10]
§206      Quod autem diximus deficientis portionem in per damna-^[11]
     tionem quidem legato in hereditate retineri, in per uindica-^[12]
     tionem uero collegatario adcrescere, admonendi sumus ante
     legem Papiam hoc iure ciuili ita fuisse; post legem uero Pa-^[13]
     piam deficientis portio caduca fit et ad eos pertinet qui in eo
     testamento liberos habent. §207 et quamuis prima causa sit in
     caducis uindicandis heredum liberos habentium, deinde si
     heredes liberos non habeant, legatariorum liberos haben-

     tium, tamen ipsa lege Papia significatur, ut collegatarius^[14]

---

1. §204. alio — loco] § 42.

---

1. uelut Cⁿ, ueluti Inst.
2. res om. C (conf. C^a pag. 298 uers. 18)
3. usucapione] usucapionem C, expectes conpleta demum usucapione uel simile aliquid
4. tenentur Goeschen, teneantur Cⁿ
5. damnationem] damnicontractionem C, conf. C^a pag. 305
6. quod per om. C (conf. C^a pag. 294 uers. 1 et pag. 284 uers. 2)
7. uindicationem] uindicaii? C
8. solidae deuentur Cⁿ, conf. C^a pag. 265; ceterum conf. Vlp. 24, 13 in fine || ita fit uerba delenda esse putat Polenaar
9. coniuctis C
10. remanetur Cⁿ
11. portionem in] aut portionem aut portione in? C
12. retinere C
13. pro hoc possis etiam id supplere, conf. C^a || fuisset C
14. significatur ex signifacatur correctum C.