Pagina:Krueger, Studemund - Gai Institutiones, Berolini, 1877.djvu/174

III §220-223

―― 142 ――

     puta aut fuste percussus uel etiam uerberatus erit, sed etiam^[1]
     si cui conuicium factum fuerit, siue quis bona alicuius quasi^[2]
     debitoris sciens eum nihil sibi debere proscripserit, siue quis^[3]
     ad infamiam alicuius libellum aut carmen scripserit, siue quis
     matrem familias aut praetextatum adsectatus fuerit, et deni-^[4]
     que aliis pluribus modis. §221^{[§ 1]} Pati autem iniuriam uidemur non^[5]
     solum per nosmet ipsos, sed etiam per liberos nostros quos
     in potestate habemus, || item per uxores nostras, quamuis^[6]       pg. 136
     in manu nostra (non) sint; itaque si filiae meae quae Titio^[7]
     nupta est, iniuriam feceris, non solum filiae nomine tecum
     agi iniuriarum potest, uerum etiam meo quoque et Titii no-^[8]
     mine. §222^{[§ 2]} Seruo autem ipsi quidem nulla iniuria intellegitur^[9]
     fieri, sed domino per eum fieri uidetur: non tamen isdem^[10]
     modis quibus etiam per liberos nostros uel uxores iniu-^[11]
     riam pati uidemur, sed ita cum quid atrocius commissum
     fuerit, quod aperte in contumeliam domini fieri uidetur,^[12]
     ueluti si quis alienum seruum uerberauerit; et in hunc casum
     formula proponitur; at si quis seruo conuicium fecerit uel^[13]
     pugno eum percusserit, non proponitur ulla formula nec^[14]
     temere petenti datur.^[15]
§223^{[§ 3]}      Poena autem iniuriarum ex lege xii tabularum propter^[16]
     membrum quidem ruptum talio erat; propter os uero
     fractum aut conlisum trecentorum assium poena erat, si^[17]
     libero os fractum erat; at si seruo, cl: propter ceteras uero

     iniurias xxv assium poena erat constituta. et uidebantur illis^[18]

---

1. §221. fere = Inst. 4, 4, 2
2. §222. usque ad 19 percusserit fere = Inst. 4, 4, 3
3. §223. usque ad 23 fractum = Inst. 4, 4, 7.

---

1. fuste percussus Cⁿ, fustibus caesus Inst. || uerberatus Inst., iuberatus C, conf. C^a pag. 309 inf. || alterum etiam Inst., et? C (conf. C^a¸ pag. 267 uers. 12)
2. bona Inst. uon C
3. eum nihil Cⁿ, nihil eum Inst. || sibi debere Inst., sibi debere sibi C || siue C, uel si Inst.
4. familias Inst., familiam C, conf. C^a pag. 267 uers. 34. 35
5. pati autem] ad pati autem ducunt Inst., spatia C, conf. C^a pag. 257
6. quamuis Lachmann, c· (i. e. cum?) Cⁿ, conf. C^a pag. 297
7. non om. C, conf. C^a pag. 281 inf. || filiae Inst., ueltiae filiae C
8. agi iniuriarum C, iniuriarum agi Inst. || verum C, sed Inst. || 11-12 nomine Inst., nomen C, conf. C^a pag. 282
9. quidem Inst., quod Cⁿ, conf. C^a pag. 296 || 12-13 intellegit fieri C, fieri intellegitur Inst.
10. tamen] conf. C^a pag. 308 uers. 8
11. uel C, et Inst.
12. quod Cⁿ et Inst. codices aliquot, et quod Institutionum codices alii cum Theophilo || aperte Inst., aptem C || in C, ad Inst. || contumeliam Inst., tum eliam Cⁿ, conf. C^a pag. 260 uers. 3 || fieri uidetur Cⁿ, respicit Inst.
13. quis Inst., qui C
14. proponit C
15. potenti C
16. lege Inst., legum C, conf. C^a pag. 276 || tabularum Inst., tabulas C, conf. C^a pag. 307
17. erat] erat ueluti Cⁿ
18. erit C.