Pagina:Krueger, Studemund - Gai Institutiones, Berolini, 1877.djvu/199

IV §89-96

―― 167 ――

     tecum agam, satis mihi dare debes: aequum enim uisum est^[1]
     (te) ideo quod interea tibi rem, quae an ad te pertineat du-^[2]
     bium est, possidere conceditur, cum satisdatione cauere, ut^[3]
     si uictus sis nec rem ipsam restituas nec litis aestimationem^[4]
     sufferas, sit mihi potestas aut tecum agendi aut cum spon-^[5]
     soribus || tuis. §90^{[§ 1]} Multoque magis debes satisdare mihi, si alieno       pg.222
     nomine iudicium accipias. §91 Ceterum cum in rem actio duplex
     sit, aut enim per formulam petitoriam agitur aut per spon-
     sionem, siquidem per formulam petitoriam agitur, illa stipu-
     latio locum habet quae appellatur ivdicatvm solvi, si uero per^[6]
     sponsionem, illa quae appellatur pro praede litis et vindi-^[7]
     ciarvm. §92 Petitoria autem formula haec est qua actor intendit
     rem svam esse. §93 Per sponsionem uero hoc modo agimus: pro-
     uocamus aduersarium tali sponsione si homo qvo de agitvr
     ex ivre qviritivm mevs est, sestertios xxv nvmmos dare spon-^[8]
     des? deinde formulam edimus qua intendimus sponsionis sum-^[9]
     mam nobis dari oportere; qua formula ita demum uincimus, si^[10]
     probauerimus rem nostram esse. §94 Non tamen haec summa spon-^[11]
     sionis exigitur: non enim poenalis est, sed praeiudicialis, et^[12]
     propter hoc solum fit ut per eam de re iudicetur; unde etiam
     is cum quo agitur, non restipulatur: ideo autem appellata
     est pro praede litis vindiciarvm stipulatio, quia in locum prae-
     dium successit, qui olim, cum lege agebatur, pro lite et uin-
     diciis, id est pro re et fructibus, a possessore petitori daban-^[13]
     tur. §95 Ceterum si apud centumuiros agitur, summam spon-
     sionis non per formulam petimus, sed per legis actionem:
     sacramento enim reum prouocamus; eaque sponsio sestertium^[14]
     cxxv nummum fit scilicet || propter legem Crepereiam. §96^{[§ 2]} Ipse^[15]       pg.223

     autem qui in rem agit, si suo nomine agat, satis non dat.

---

1. §90. conf. Inst. 4, 11 pr.
2. §96. fere = Inst. 4, 11 pr.

---

1. agam Goeschen, agat C || dare Goeschen, dari C, conf. C^a pag. 302 || aequum Goeschen, aquun C
2. te ideo Huschke, de eo C
3. est Goeschen, eius Cⁿ, conf. C^a pag. 266 || satisdationem C
4. nec rem Goeschen, rem nec Cⁿ
5. sufferras C
6. per] pro Cⁿ
7. et C, delet Huschke
8. nvmmos Goeschen, nummorum Cⁿ, conf. C^a pag. 282 inf.
9. qua Goeschen, quia C, conf. C^a pag. 289 inf.
10. dari Goeschen, dare C, conf. C^a pag. 264
11. nostra C
12. non Cⁿ, nec Lachmann (probabiliter), conf. C^a pag. 280 inf.
13. possessore Goeschen, possessoris Cⁿ || 24 — 25 dabantur Goeschen, dabantur praedes Cⁿ (ex glossemate)
14. reum Goeschen, re|re? C || prouocamus Goeschen, prouocatu uel prouocato Cⁿ teste Goescheno
15. fit scilicet Lachmann, fieri solet lectio in C non omni modo reiectanea uisa est, fit solet? C teste Bluhmio, conf. C^a || creperiam? C.