Pagina:Krueger, Studemund - Gai Institutiones, Berolini, 1877.djvu/210

IV §142-148

―― 178 ――

§142^{[§ 1]}      Principalis igitur diuisio in eo est, quod aut prohibitoria
     sunt interdicta aut restitutoria aut exhibitoria. §143^{[§ 2]} Sequens in
     eo est diuisio, quod uel adipiscendae possessionis causa con-
     parata sunt uel retinendae uel reciperandae. §144^{[§ 3]} Adipiscendae^[1]
     possessionis causa interdictum accommodatur bonorum pos-^[2]
     sessori, cuius principium est qvorvm bonorvm; eiusque uis et^[3]
     potestas haec est, ut quod quisque ex his bonis quorum pos-^[4]
     sessio alicui data est, pro herede aut pro possessore || possi-^[5]       pg.237
     deat, id ei cui bonorum possessio data est, restituatur: pro
     herede autem possidere uidetur tam is qui heres est, quam^[6]
     is qui putat se heredem esse; pro possessore is possidet qui
     sine causa aliquam rem hereditariam uel etiam totam heredi-^[7]
     tatem sciens ad se non pertinere possidet: ideo autem ad-
     ipiscendae possessionis uocatur (interdictum), quod ei tantum^[8]
     utile est qui nunc primum conatur adipisci rei possessio-^[9]
     nem; itaque si quis adeptus possessionem amiserit, desinit^[10]
     ei id interdictum utile esse. §145 Bonorum quoque emptori si-^[11]
     militer proponitur interdictum, quod quidam possessorium
     uocant. §146 Item ei qui publica bona emerit, eiusdem con-
     dicionis interdictum proponitur, quod appellatur sectorium,
     quod sectores uocantur qui publice bona mercantur. §147^{[§ 4]} In-^[12]
     terdictum quoque quod appellatur Saluianum, adipiscen-^[13]
     dae possessionis (causa) conparatum est, eoque utitur do-^[14]
     minus fundi de rebus coloni quas is pro mercedibus fundi^[15]
     pignori futuras pepigisset. §148^{[§ 5]} Retinendae possessionis causa^[16]

     solet interdictum reddi, cum ab utraque parte de proprietate^[17]

---

1. §142. conf. Inst. 4, 3, 1
2. §143. conf. Inst. 4, 15, 2
3. §144. fere = Inst. 4, 15, 3
4. §147. = Inst. 4, 15, 3
5. §148. fere = Inst. 4, 15, 4.

---

1. retinendae] retinendae possessionis causa interdictum (deletis tamen tribus ultimis uocabulis) Cⁿ
2. accommodatur Inst., accommodaturur Cⁿ, conf. C^a pag. 306
3. eiusque uis Inst., eiusquis? C
4. quisque ex his bonis Cⁿ, ex his bonis quisque Inst.
5. est Inst., est si Cⁿ, conf. C^a pag. 266 || possideat Inst., possideret Cⁿ
6. heres est] conf. C^a pag. 270 || quam] quae Cⁿ, conf. C^a pag. 292
7. aliquae Cⁿ, conf. C^a pag. 292
8. interdictum Inst., om. C || quod] q C, conf. C^a pag. 293 uers. 10, quia Inst.
9. adipisci Inst., adipisce C
10. amiserit C, amiserit eam Inst.
11. idictum C, conf. C^a pag. 272
12. post mercantur in Cⁿ per errorem repetita sunt uerba qui publice uona mercantur
13. adipiscendae Inst., apiscendae C
14. causa Inst., om. C (conf. C^a pag. 259 uers. 9)
15. is pro mercedibus Inst., sipsemercedibus (sic) C
16. pignori futuras ex pignoris futuram correctum C
17. utraque Inst., utroque Cⁿ.