nuncium super aliqua re , unde periculum , damnum , vel praeiudicium ipsi Communi redundare posset, vel accesserit, aut transmisserit ad aliquem locum, vel alicui adhaeserit, unde bellum contra commune praedictum insurgere posset, puniatur in libris ducentis denariorum, et si fuerit de numero Consiliariorum , ultra hanc poenam , tali dignitate privetur , ac deleatur de tali numero, ac etiam de Arengo Generali eiusdem Terrae, ut sic de illius hominum coetu non reputetur qui erga eam tam impie se gesserit.
Quod nemo participet cum inimicis Communis.
Rubrica XXX.
Statuimus, et ordinamus quod quicumque participaverit, vel contraxerit cum aliquo inimico Communis Sancti Marini in Terra , vel eius districtu , aut alibi , postquam denunciatum fuerit, et antequam cum eodem Communi reconciliatus sit? solvat pro poena vigintiquinque libras denariorum.
De usurpantibus , et occupantibus bona Communis.
Rubrica XXXI.
Si quis pecuniam , vel aliam rem quamlibet mobilem ad Commune Sancti Marini spectantem , et pertinentem quandocumque , et quomodocumque auctoritate , seu temeritate propria in praeteritum, seu in futurum abstulerit, interceperit , subtraxerit, vel usurpaverit, aut tale quid in praeiudicium Communis fieri consuluerit, vel procuraverit , ultra restitutionem rei, vel eius extimationis puniatur in quadruplum.
Si vero taliter occupata fuerint immobilia, ultra restitutionem solvat pro poena libras vigintiquinque denariorum.
Nisi fuerint de terreno mercatalis, quo casu volumus poenam esse librarum quinquaginta , et occupatum statim absque alia controversia dimitti.
Prohibentes omnino in quolibet dictorum casuum omnem praescriptionem contra commune praedictum , seu praescriptionis allegationem , nisi de vero titulo, et bona fide doceatur.
