Idcirco ut huic morbo salubri succurratur remedio statuimus et ordinamus, quod si quis posthac transcenderit muros Terrae nostrae praedictae, vel eandem Terram fuerit ingressus, vel egressus tam de die, quam de nocte, aliunde, quam per portas Terrae praedictae, talis sic ingrediens vel
egrediens, et eidem dantes auxilium, consilium, et favorem
puniantur in poenam centum scutorum Camerae Communis applicandorum , et per tres propterea annos ad triremes transmittatur. Ita ut nulla ex causa quantumcumque colorata excusari
valeat, nec ullus audiatur, vel admittatur pro eo ad illius excusationem constito de facto.
De conventiculis armatis non faciendis
Rubrica XLV.
Cum conventiculae quam saepissime maximos soleant parere errores, idcirco statuimus, et ordinamus, quod nemo terrigena, vel forensis cuiuscumque status, qualitatis, et conditionis existat, audeat, vel praesumat quoquomodo sine expressa generalis Consilij licentia, vel saltem Dominorum Capitaneorum, et Consilij duodecim dictae Terrae coadunare, vel congregare in aliquo loco rustico, vel urbano Terrae praedictae seu in aliqua domo propria, vel conducta, ad delictum aliquod, vel malum committendum quatuor homines armatos, vel ab inde supra sub poena ducentarum librarum pro quolibet congregante, seu coadunante, et librarum centum pro quolibet congregato, ultra poenam delicti quod committi contigerit, et etiam quod commissum post modum non fuerit, nisi dicta adunatio neret ad defensionem, non data facultate et temporis opportunitate pro licentia impetranda.
Et praedicta vindicentsibi locum etiam contra illos, qui ad praedicta , vel aliquod praedictorum facienda, auxilium, consilium, et favorem praestiterint.
Nec amodo quis possit proponere aliquid in Consilio, vel Arengo pro aliquo, qui circa praedicta contrafecerit.
