Haec pagina nondum emendata est
PHORMIO
nunc quid velim animum attendite: adporto novam
25Epidicazomenon quam vocant comoediam
Graeci, Latini Phormionem nominant
quia primas partis quĭ aget is erit Phormio
parasitu’, per quem res geretur maxume
voluntas vostra si ad poetam accesserit.
30date operam, adeste aequo animo per silentium,
ne simili utamur fortuna atque usi sumus
quom per tumultum noster grex motus locost:
quem actori’ virtus nobis restituit locum
bonitasque vostra adiutans atque aequanimitas.
