|
aliquam causam, propter quam existit. IV. Denique notandum, hanc causam, propter quam aliqua res existit, vel debere contineri in ipsa natura et definitione rei existentis (nimirum quod ad ipsius naturam pertinet existere) vel debere extra ipsam dari. His positis, sequitur quod, si in natura certus aliquis numerus individuorum existat, debeat necessario dari causa, cur illa individua, et cur non plura nec pauciora existunt. Si ex. gr. in rerum natura 20 homines existant (quos, majoris perspicuitatis causa, suppono simul existere, nec alios antea in Natura exstitisse), non satis erit (ut scilicet rationem reddamus, cur 20 homines existant), causam naturæ humanæ in genere ostendere ; sed insuper necesse erit, causam ostendere, cur non plures nec pauciores, quam 20 existant ; quandoquidem (per III Notam) uniuscujusque debet necessario dari causa, cur existat. At haæc causa (per Notam II et III) non potest in ipsa natura
|
