Usor:Sakvaka/Syntagma musicum/Pars I/Membrum I/Caput XIV

Caput XIII	Caput XV

Caput xiv.

De usu Psalmodiæ παρακελευστικῷ ad fallendas laborum molestias.

Atque cum magno pietatis fructu sub certa benedictionis divinæ exspectatione inter labores domi cantarunt pia carmina, foris obmurmurarunt, in agro circumtulerunt Christiani, atque labores, tanquam divino celeusmate, consolati fuerunt, ut supra cap. 6. Basilius et Augustinus locuti fuerunt. Quospectant et illa Hieronymi cap. 17. Arator hic stivam tenens Alleluia decantat; sudans messor Psalmis se avocat; et curva attondens vitem falce vinitor aliquid Davidicum canit! Hæc sunt in hac provincia carmina; hæ (ut vulgo dicitur) amatoriæ cantiones; hic pastorum sibilus; hæc arma culturæ.