Usor:Sakvaka/Syntagma musicum/Pars I/Membrum III/Psalterium B. Virginis
 Horæ canonicæ |
Membrum IV, Theoria organices, Caput I  |
Modus orandi per rotulos ligneos, quos vulgus modo Preculas; modo Pater nostros appellat (ii numero quinquaginta quinque perforati ita ordine distinguuntur, ut post denos singuli majusculi affigantur filo: et quot hi sunt, toties Dominicam precem; quot illi, toties Angelicam salutationem ter numerum ineundo recitent, terque Symbolum brevius inserant. Et id D. Mariæ Virginis psalterium nuncupant) a Petro Eremita Gallo, Ambianensi inventus, qui circa annum Sal. mxc. egit eum Urbano, ut bellum Asaticum a Christianis Claromonte susceptum fuerit, quo Hierosolyma recepta sunt.
Hodie tantus honor eiusmodi calculis accessit, ut non modo ex ligno, succino et Corallio, sedex auro argentoque fiant, sintque mulieribus instar ornamenti. (Polyd. lib. 5. c. 9. de rer. invent.) Nimirum rationem habuit ille vitæ militaris negociosæ simul et otiosæ, ut quantum ab hostibus carnalibus daretur otii, id contra hostes spirituales impenderetur, satius esse ratus, Oratione licet perfunctoria, quam ludo vel fabulis tempus fallere.
Cæterum cum non quam multæ, sed quanta cum fide preces fiant, καρδιογνῴστης ille spectare soleat: omnibus in universum in omni vita cum Christo semper orandum erit, ita quidem, ut preces ponderentur potius, quam numerentur.