Jump to content

A First Latin Reader/72

Nexus addere
E Wikisource
Herbert Chester Nutting
A First Latin Reader
Lesson 72
Indian Vengeance
1912

fons: librum vide
 71. A Roman Vandal 73. A Tale of Brave Women 
LESSON 72
Indian Vengeance

Indī Americānī nōn sōlum cum colōnīs saepe bellum gessērunt, sed inter sē quoque pugnāre cōnsuēvērant ācerrimē. Sīcut in Britanniā Novā rēx quīdam, nōmine Miantōnimō, diū per īnsidiās[1] cōnātus est interficere Uncam, rēgem fīnitimum, ut ipse sōlus duārum[2] nātiōnum rēgnum obtinēret; cum autem ista cōnsilia eum fefellissent[3] omnia, subitō magnō cum exercitū in vīcīnī fīnēs quam celerrimē contendit: Uncās[4] vērō, dē eius adventū ab explōrātōribus certior factus, cōpiās coēgerat et sine morā ad pugnam profectus est.

Ubi aciēs duae īnstrūctae sunt, Uncās, paulum ante suōs prōgressus, sē velle[5] dīxit sōlum cum Miantōnimōne sōlō dīmicāre, ut sine detrimentō cēterōrum[6] rēs dīiūdicārī[7] posset. Quod[8] cum ille[9] recūsāret, Uncās cōnsultō in terram prōlapsus est, eiusque mīlitēs, clāmōre sublātō, super ducem iacentem[10] sagittās plūrimās coniēcērunt in hostīs; quī repentīnā rē[11] perterritī sē cōnfestim in silvās palūdēsque contulērunt. Quā in fugā periērunt multī, rēxque ab[12] Uncā ipsō captus est. Ab inimīcō salūtem petere dux victus scīlicet nōlēbat, et paulō post secūrī percussus est[13]: quō quidem[14] tempore Uncās, cum inimīcum humī moribundum vidisset, eius umerum sicā[15] appetīvisse dīcitur, frūstumque carnīs inde[16] abscīsum vultū laetō[17] dēvorāsse[18]; tantae enim saevitiae sunt mōrēs Indōrum.

————————
  1. ↑ īnsidiās: see the Vocab..
  2. ↑ duārum: the two.
  3. ↑ fefellissent: from fallō.
  4. ↑ Uncās: for the declension, cf. the note on Cercās, p. 23, l. 4.
  5. ↑ velle: pred. adj. with dīmicāre; what other part of speech has the same form? (cf. l. 5), was willing.
  6. ↑ cēterōrum: we would say “to the others”.
  7. ↑ dīiūdicārī: dīiūdicō, 1: decide, or settle.
  8. ↑ Quod: this (proposal).
  9. ↑ ille: Miantōnimō.
  10. ↑ iacentem: lit. what?, prostrate.
  11. ↑ repentīnā rē: sc. hāc.
  12. ↑ ab: of.
  13. ↑ secūrī percussus est: lit. what?, i.e. was executed.
  14. ↑ quidem: omit in translation.
  15. ↑ sicā: abl. of means.
  16. ↑ inde: i.e. from it.
  17. ↑ vultū laetō: cf. p. 58, l. 4.
  18. ↑ dēvorāsse: for the form, cf. nāvigāsset, p. 3, l. 1.
Receptum de "https://la.wikisource.org/w/index.php?title=A_First_Latin_Reader/72&oldid=219053"