nōluit, nec grātiās colōnis ēgit, quī operam suam ultrō pollicitī sunt: nam nē cōnspectum quidem legiōnum suārum putābat Indōs esse lātūrōs.
Postrēmō vērō, cum in fīnēs hostium longē iter factum esset, subitō in silvīs Indōrum ululātus est audītus; tum tēla plūrima inmissa sunt, ac mīlitēs Britannicī, quī hostem nūllum vidēbant,[1] undique cadere coepērunt. Colōnī interim in silvam celeriter inrūpērunt, arboribusque interpositīs[2] cum Indīs ācriter pugnābant; at imperātor legiōnēs in viā habēbat[3] instrūctās, nec suōs locō cēdere passus est, quamquam caedem maximam fierī sentiēbat. Itaque illī paene omnēs aut interfectī sunt aut[4] vulnerātī, ac Braddoc ipse vulnus accēpit, ex quō paulō post mortuus est. Vasingtō mīlitēs perterritōs primō cohortārī cōnātus, imperātōre vulnerātō[5] exercitūs reliquiās ad castra redūxit, ubi impedimenta maxima relicta erant. Ibi, conciliō convocātō, tribūnī centuriōnēsque celeriter ē fīnibus hostium sibi discēdendum esse[6] statuērunt.
Quō proeliō admoneor ut[7] dīcam dē incommodō maximō, quod ā Romanīs acceptum est apud lacum Trasumennum,[8]
- ↑ vidēbant: we would say “could see”.
- ↑ arboribusque interpositīs: freely, getting behind trees; lit. what?
- ↑ habēbat: kept —— suōs: cf. suōrum, page 30. l. 9 —— locō: from their places; cf. the note on p. 7, l. 4
- ↑ aut … aut: either … or.
- ↑ imperātōre vulnerātō: translate by a phrase introduced by “after”.
- ↑ discēdendum esse: impersonal use of the gerundive.
- ↑ ut: to.
- ↑ apud: at. —— lacum Trasumennum: in north central Italy.
